Enn eitt áfallið fyrir Real Madrid

Miðjumaðurinn Mahamadou Diarra hjá Real Madrid leikur ekki meira með liðinu á leiktíðinni. Hann hefur gengist undir uppskurð á hné og verður frá keppni í allt að níu mánuði.

Þá meiddist Royston Drenthe á æfingu í dag og óvíst er hvort hann geti spilað með liðinu í risaslagnum gegn Barcelona um helgina.

Þeir Gabriel Heinze og Miguel Torres eru einnig tæpir og þá missir Marcelo af leiknum vegna leikbanns.

Hollendingurinn Wesley Sneijder er enn frá vegna meiðsla og verður ekki með næstu tvær vikurnar og landi hans Ruud Van Nistelrooy verður ekki meira með á leiktíðinni eftir hnéuppskurð.