Bandaríkin með 3-1 forystu

Keppni í fjórmenningi er lokið í Ryder-keppninni í golfi og standa Bandaríkjamenn betur að vígi, með þrjá vinninga gegn einum.

Evrópumenn byrjuðu betur í öllum viðureignunum en Bandaríkjamenn börðust fyrir sínu og þeir Justin Leonard og Hunter Mahan voru fyrstir til að ná í stig er þeir unnu 3/2 sigur á Paul Casey og Henrik Stenson.

Chad Campbell og Stewart Cink unnu þá Justin Rose og Ian Poulter á síðustu holu. Það leit einnig út fyrir bandarískan sigur í viðureign Kenny Perry og Jim Furyk annars vegar gegn þeim Sergio Garcia og Lee Westwood.

Á sautjándu átti Perry möguleika á því að tryggja þeim bandarísku sigur en hitti ekki úr púttinu mikilvæga. Garcia og Westwood unnu svo síðustu holuna einnig og björguðu þar með hálfu stigi fyrir Evrópu.

Þetta var í fyrsta sinn sem Garcia vinnur ekki í fjórmenning í Ryder-keppninni frá því að hann hóf að taka þátt.

Þá náðu Padraig Harrington og Robert Karlsson einnig hálfum vinningi í viðureign sinni gegn Bandaríkjamönnunum Phil Mickelson og Anthony Kim.

Þetta var í fyrsta sinn sem Bandaríkjamenn ná forystu strax í fyrstu keppnislotu síðan 1991.