Aftur gerði Inter markalaust jafntefli

Inter gerði markalaust jafntefli í sínum öðrum leik í röð er heil umferð fór fram í ítölsku úrvalsdeildinni í kvöld.

Inter gerði jafntefli við Genoa á heimavelli um síðustu helgi og gegn Fiorentina á útivelli í kvöld. Liðið er nú í fjórða sæti deildarinnar og hefur misst AC Milan fram úr sér.

AC Milan vann 2-1 sigur á Siena í kvöld með mörkum Filippo Inzaghi og Kaka.

Udinese og Napoli eru á toppi deildarinnar með 20 stig, einu meira en AC Milan og tveimur meira en Inter. Udinese vann Catania á útivelli í kvöld, 2-0, og Napoli vann 3-0 sigur á Reggina.

Emil Hallfreðsson kom inn á sem varamaður á 74. mínútu í liði Reggina í kvöld.

Úrslit kvöldsins:

AC Milan - Siena 2-1

Bologna - Juventus 1-2

Catania - Udinese 0-2

Chievo - Lazio 1-2

Fiorentina - Inter 0-0

Genoa - Cagliari 2-1

Lecce - Palermo 1-1

Napoli - Reggina 3-0

Roma - Sampdoria 0-0

Torino - Atalanta 2-1