Hart barist um efstu sætin í Ölfushöllinni

Sigurður Sigurðarson á Suðra frá Holtsmúla varð sigurvegari í fjórgangi Meistaradeildar VÍS í Ölfushöllinni í gærkvöldi.

Baráttan var gríðarlega hörð og breyttist sætaröð keppenda í A-úrslitum þar til síðasta einkunn var lesin. „Þetta var spennandi," sagði Sigurður brosandi, eftir að úrslit lágu fyrir.

Sigurður og Suðri hutu einkunnina 7,80, en í öðru sæti hafnaði Jakob S. Sigurðsson á gæðingnum Auði frá Lundum með einkunnina 7,73. Í þriða sæti lenti sigurvegri B-úrslitanna, Hinrik Bragason, á glæsihestinum Náttari frá Þorláksstöðum, með einkunnina 7,67.

Suðri verður í þjálfun hjá Sigurði næstu mánuði, en hesturinn kom til hans í desember síðast liðnum. „Við erum að stilla saman strengi og kynnast," sagði Sigurður í gærkvöldi. „Þetta er magnaður hestur."

Mikil aðsókn var að mótinu og var húsið fullt út úr dyrum. Stemningin var frábær og ætlaði allt um koll að keyra þegar hestarnir sýndu sína bestu takta. Talið er að um og yfir 500 manns hafi verið í Ölfushöllinni og fjöldi fólks hafi einnig horft á beina útsendingu á netinu.

Úrslit í fjórgangi Meistaradeildar VÍS voru eftirfarandi:

A-úrslit:

1 Sigurður Sigurðarson, Skúfslækur, Suðri frá Holtsmúla 7,80

2 Jakob S Sigurðsson, Skúfslækur, Auður frá Lundum 7,73

2 Hinrik Bragason, Hestvit, Náttar frá Þorláksstöðum 7,67

4 Hulda Gústafsdóttir, Hestvit, Kjuði frá Kirkjuferjuhjáleigu 7,20

5 Daníel Jónsson, Top Reiter, Tónn frá Ólafsbergi 7,17

6 Eyjólfur Þorsteinsson, Málning, Klerkur frá Bjarnanesi 1 7,13

B-úrslit:

6   Hinrik Bragason, Hestvit, Náttar frá Þorláksstöðum 7,37

7  Viðar Ingólfsson, Frumherji, Blesi frá Laugarvatni 7,07

8   Valdimar Bergstað, Málning, Leiknir frá Vakurstöðum 6,90

9  Sigurður V Matthíasson, Málning, Ábóti frá Vatnsleysu 6,87

10 Bylgja Gauksdóttir, Lífland, Sögn frá Auðsholtshjáleigu 6,33

Eyjólfur Þorsteinsson, Málningu, leiðir einstaklingskeppnina, annar er

Sigurður Sigurðarson, Skúfslæk, með 12 stig og jafnir í 3 - 5 sæti eru

Sigurbjörn Bárðarson, Líflandi, Viðar Ingólfsson, Frumherja, og Jakob S.

Sigurðsson, Skúfslæk, en þeir eru allir með 10 stig.

Eftir gærkvöldið leiðir lið Málningar liðakeppnina með 85 stig, í

öðru sæti er lið Skúfslækjar með 78 stig og í því þriðja er lið Lýsis með

70 stig.

Næsta mót Meistaradeildar VÍS fer fram fimmtudaginn 5. mars og verður þá

keppt í slaktaumatölti.