Gríðarlegt tap hjá Lloyds

Breski bankinn Lloyds, sem er að hluta í eigu breska ríkisins, tapaði fjórum milljörðum punda á fyrstu sex mánuðum ársins.

Tapið er rakið til sameiningar Lloyds og HBOS sem ákveðin var í kjölfar efnahagshrunsins. Í uppgjöri bankans sem birt var í dag kemur fram að lán bankans sem illa gengur að fá greidd hafi fimmfaldast á tímabilinu og er það mun meira en áætlanir ríkisstjórnarinnar höfðu gert ráð fyrir.

Áttatíu prósent þeirra lána sem um ræðir voru veitt af HBOS bankanum áður en bankarnir voru sameinaðir.