AC Milan komið í kapphlaupið um Huntelaar

Knattspyrnustjórinn Leonardo hjá AC Milan staðfesti í samtali við ítalska fjölmiðla að hann sé að leita að framherja og að Klaas-Jan Huntelaar hjá Real Madrid sé á óskalista sínum.

Huntelaar hefur þegar verið orðaður við Stuttgart, Arsenal og Tottenham en nú er AC Milan einnig komið í kaupphlaupið um hinn 25 ára gamla landsliðsmann Hollands.

„Við þurfum stærri leikmannahóp en við erum með því leikmenn á borð við Alessandro Nesta, Gennaro Gattuso og Marco Boriello eru ekki búnir að ná sér hundrað prósent eftir meiðsli. Ef við kaupum nýjan leikmann þá er framherjastaðan forgangsatriði og Huntelaar er dæmi um leikmann sem ég hef áhuga á að fá til AC Milan," segir Leonardo.