Tiger grunaður um ölvun við akstur

Fleiri smáatriði í máli Tiger Woods halda áfram að koma upp á yfirborðið og nýjasta nýtt er að lögreglumaðurinn sem kom fyrstur að Tiger grunaði kylfinginn um að vera ölvaðan undir stýri.

Hann fór fram á að taka blóðprufu af Tiger er hann kom á sjúkrahúsið en var meinað um það.

Ónefnt vitni ku hafa sagt lögreglumanninum að Tiger hefði verið að drekka fyrr um kvöldið. Þess utan væri hann að taka tvö lyfseðilsskyld lyf. Talið er að þetta vitni sé eiginkona Woods, Elin Nordegren.