Kaka lagði upp tvö og Ronaldo skoraði eftir að hafa komið inn af bekknum

Real Madrid vann góðan 3-0 sigur á Espanyol í gærkvöldi og er því áfram við hlið Barcelona á toppi spænsku úrvalsdeildarinnar í fótbolta. Esteban Granero, Guti og varamaðurinn Cristiano Ronaldo skoruðu mörk Madrídar-liðsins í leiknum.

Kaka á enn eftir að opna markareikning sinn fyrir Real Madrid en hann átti mikinn þátt í sigrinum á Espanyol með því að leggja upp tvö fyrstu mörkin. Cristiano Ronaldo kom inn á sem varamaður og skoraði þriðja markið á síðustu mínútu leiksins.

„Það er mikil pressa á Ronaldo en hann skoraði í síðasta leik og aftur í dag þannig að hann er að komast inn í nýja deild," sagði Manuel Pellegrini, þjálfari Real Madrid.