Stjörnufans á Herminator Invitational í Vestmannaeyjum

Stjörnugolf og Herminator Invitational hafa tekið höndum saman og ætla að halda mótin sameiginlega í ár undir nafni Herminator Invitational þann 27. júní í Vestmannaeyjum.

Ákveðið var að sameina mótin og vinna saman að því að halda eitt flott góðgerðargolfmót. Þau fyrirtæki sem hafa skráð sig í Stjörnugolf verður boðin þátttaka í Herminator Invitational.

Landsliðsfyrirliðinn Hermann er búinn að fá nokkra félaga sína úr boltanum til þess að koma á mótið og er Sol Campbell, varnarmaður Portsmouth og fyrrum landsliðsmaður Englands, á meðal þeirra kylfinga sem hafa boðað komu sína á mótið. Þannig að það má búðast við miklum stjörnufans og spennandi keppni í Vestmannaeyjum.