Torres: Liverpool á að reyna að kaupa Villa og Silva frá Valencia

Fernando Torres hefur lagt mikla áherslu við yfirboðara sína hjá Liverpool að félagið muni kaupa landa hans David Silva og David Villa frá spænska liðinu Valencia.

Torres er sannfærður að þessi tveir leikmenn gætu verið síðasta púslið í meistaralið Liverpool sem endaði aðeins fjórum stigum á eftir Manchester United í baráttunni um enska meistaratitilinn á þessu tímabili.

„Villa og Silva myndu styrkja Liverpool-liðið mjög mikið," sagði Torres við spænska blaðið Marca. David Villa er 27 ára framherji sem skoraði 28 mörk í 33 leikjum í spænsku deildinni á þessu tímabili og David Silva er 23 kantmaður sem skoraði 4 mörk í 19 leikjum í deildinni á tímabilinu.

„Það er erfitt að vera saman þessar tvær deildir en enska deildin er alltaf að verða sterkari og sterkari því það eru alltaf fleiri og fleiri sterkir leikmenn að koma þangað," sagði Torres.

Torres segist ekki ætla að fylgja Rafa Benitez fari svo í framtíðinni að Benitez taki við liði Real Madrid. „Ég myndi ekki fara til Real því það er mér mjög mikilvægt að enda ferillinn þar sem hann byrjaði - hjá Atletico Madrid," sagði Torres sem er uppalinn hjá erkifjendum Real Madrid.

Torres mælir með því að spænskir leikmenn komi til Liverpool. „Ég hef bætt mig mjög mikið hjá Liverpool. Ég náði að skora meira á mínu fyrsta ári heldur en nokkur erlendur leikmaður hefur gert og varð í þriðja sæti í kjörinu á besta knattspyrnumanni Evrópu," sagði Torres stoltur.

Torres hefur skorað 38 mörk í fyrstu 56 leikjum sínum með Liverpool í ensku úrvalsdeildinni en hann skorað 82 mörk í 214 leikjum með Atletico Madrid í spænsku deildinni frá 2001 til 2007.