United og City enn sterklega orðuð við Maicon

Samkvæmt heimildum Daily Mirror er Brasilíumaðurinn Maicon hjá Inter nú bitbein á milli Manchester United og Manchester City en bæði félögin hafa hugsað sér að leggja fram kauptilboð í bakvörðinn þegar félagaskiptaglugginn opnar í janúar.

Brasilíski landsliðsmaðurinn var einnig orðaður við United og City í sumar en talið er að kaupverðið sé í kringum 20 milljónir punda.

Ekki er þó víst að knattspyrnustjórinn Jose Mourinho hjá Inter sé tilbúinn að sleppa hendinni af Maicon sem gerði fimm ára samning við Inter þegar hann gekk í raðir félagsins í júlí árið 2006.