Torres að vinna Val 0-1 í hálfleik

Ítölsku bikarmeistararnir í Torres leiða 0-1 þegar flautað hefur verið til hálfleiks í seinni leik liðanna í Meistaradeild UEFA kvenna á Vodafonevellinum.

Sandy Iannella skoraði eina mark leiksins á 42. mínútu eftir góðan undirbúning ítölsku landsliðskonunnar Patriziu Panico. Lítið hefur verið um opin marktækifæri í fyrri hálfleiknum og mesta hættan skapast úr föstum leikatriðum hjá báðum liðum en Valsstúlkur hafa þó komist í nokkur ágæt skotfæri.

Það er á brattann að sækja fyrir Valsstúlkur í síðari hálfleik en þær þurfa nú að skora fjögur mörk til þess að jafna metin því Torres vann fyrri leikinn 4-1 og er því samanlagt 5-1 yfir í einvíginu.