Freyr: Gott að fara í fríið með þessi þrjú stig

„Ég get eiginlega ekki orðað það öðruvísi en að ég sé rosalega sáttur með stigin þrjú og frammistöðu liðsins í kvöld.

Það var mjög erfitt að fannst mér að koma til baka eftir tapið gegn mjög góðu liði Þórs/KA en viljinn og andinn í liðinu var til fyrirmyndar og mjög gott að fara í fríið með þessi þrjú stig í farteskinu," segir Freyr Alexandersson, þjálfari Vals, í viðtali við Vísi eftir 2-0 sigur liðs síns gegn Fylki.

Valur er nú komið með tveggja stiga forskot á Breiðablik og Stjörnuna sem misstigu sig bæði í kvöld þar sem Blikastúlkur gerðu markalaust jafntefli við KR og Stjarnan sótti stig gegn Þór/KA á Akureyri.

Næstu leikir í Pepsi-deildinni eru eftir tæpan mánuð vegna lokakeppni EM í Finnlandi sem hefst 23. ágúst.

„Þetta er hörkudeild og mjög skemmtileg. Ef ég á að vera hreinskilinn þá átti ég von á því að KR myndi stríða Breiðablik og átti ekki síður von á því að Þór/KA myndi taka stig, eitt eða þrjú, af Stjörnunni.

Þetta er því sem fyrr undir okkur komið og ég er sannfærður um að stelpurnar okkar úr Val sem fara á Em eigi eftir að koma til baka reynslunni ríkari og gefa okkur vítamínsprautu á lokasprettinum í deildinni," segir Freyr.

Úrslit kvöldisins (heimild: Fótbolti.net)



Valur 2-0 Fylkir:

1-0 Rakel Logadóttir ('6)

2-0 Kristín Ýr Bjarnadóttir ('21)

Breiðablik 0-0 KR

GRV 7-0 Keflavík

1-0 Anna Þórunn Guðmundsdóttir ('31)

2-0 Elínborg Ingvarsdóttir ('48)

3-0 Elísabet Sara Emilsdóttir ('52)

4-0 Elísabet Sara Emilsdóttir ('58)

5-0 Alma Rut Garðarsdóttir ('62)

6-0 Elínborg Ingvarsdóttir ('64)

7-0 Elísabet Sara Emilsdóttir ('90, víti)

ÍR 4-3 Afturelding/Fjölnir

0-1 Clare E. Sykes

1-1 Stacey Balaam

2-1 Joana Rita Nunes Paváo

2-2 Sigríður Þóra Birgisdóttir

3-2 Stacey Balaam

3-3 Clare E. Sykes

4-3 Aleksandra Mladenovic

Þór/KA-Stjarnan 1-1

1-0 Rakel Hönnudóttir ('14)

1-1 Inga Birna Friðjónsdóttir ('82)

Rautt spjald: Arna Sif Arngrímsdóttir ('89)