Nýtt General Motors út úr gjaldþroti

Nýtt félag um bandaríska bílaframleiðslufyrirtækið General Motors hefur verið stofnað en rúmur mánuður er síðan að fyrirtækið fór fram á að vera tekið til gjaldþrotaskipta. Það var þriðja stærsta gjaldþrot í sögu Bandaríkjanna. Endurreisnarferlið tók mun skemmri tíma en margir þorðu að vona.

Fritz Henderson, forstjóri General Motors, segir að nú hefjist nýtt tímabil í sögu fyrirtækisins sem mun framleiða fjögur þekkt auðkenni, þar á meðal Cadillac.

Bandaríska ríkið á 61% hlut í hinu nýja fyrirtæki.