Fimm kylfingar á finnska meistaramótinu

Golfsamband Íslands sendi fimm kylfinga til Helsinki þar sem þeir taka þátt í finnska meistaramótinu sem hófst í morgun.

Það er finnska golfsambandið sem býður íslensku kylfingunum á mótið. Ragnar Ólafsson landsliðseinvaldur segir að mótið sé kærkomið tækifæri fyrir landsliðsfólkið að láta ljós sitt skína.

Fyrrum landsliðseinvaldur Íslands, Staffan Johannsson er landsliðsþjálfari hjá Finnum í dag.

Landsliðshópur Íslands er skipaður eftirtöldum kylfingum:

Hlynur Geir Hjartarson, GK

Ólafur Björn Loftsson, NK

Alfreð Brynjar Kristinsson, GKG

Eygló Myrra Óskarsdóttir, GO

Valdís Þóra Jónsdóttir, GL