Elísa­bet Fritzl var í dóm­salnum

Helsta ástæða þess að Austurríkismaðurinn Josef Fritzl lýsti sig að fullu sekan í gær af ákærum um nauðgun, sifjaspell og morð var sú að dóttir hans Elísabet var í dómssalnum.

Þetta upplýsti Rudolf Mayer, lögmaður Fritzl, í morgun. Ekki var greint frá því í gær að hún hefði verið í dómssal meðan upptaka af vitnisburði hennar var sýnd. Elísabet var fangelsuð í kjallara föður síns í nær aldarfjórðung þar sem hann nauðgaði henni oftsinnis. Hún ól honum sjö börn.

Saksóknari krefst lífstíðardóms yfir hinum sjötíu og þriggja ára gamla Fritzl. Búist er við dómi í málinu í dag eða á morgun.