Mozzarellabrauð og Tiramisu

Mozzarellabrauð

fyrir 4

1 sveitabrauð, skorið í ca. 2 cm þykkar sneiðar

4 msk Ítalíu ólífuolía

1 hvítlauksrif

2 mozzarella-kúlur, skornar í sneiðar

2 pokar af klettasalati

2 msk Ítalíu ólífuolía

1 krukka Ítalíu kirsuberjatómatar í ólífuolíu frá Hagkaup, skornir í tvennt

1 askja af ferskum kirsuberjatómötum, skornir í fjóra hluta

Ítalíu Modena balsamgljái frá Hagkaup

Sjávarsalt og nýmalaður pipar

Hitið ofninn í 200°C. Hellið ½ msk af ólífuolíu á hvert brauð og nuddið hvítlauknum ofan í brauðið. Grillið brauðið í tæplega 5 mínútur. Raðið mozzarella-ostinum ofan á brauðið og setjið það aftur inn í ofninn og grillið þar til að osturinn bráðnar. Veltið klettasalatinu upp úr ólífuolíunni og setjið það á fjóra diska. Raðið brauðsneiðunum ofan á og skiptið tómötunum jafnt á milli diskanna. Sprautið u.þ.b. 1 msk af balsamgljáa yfir hvern rétt og kryddið með salti og pipar.

Fljótlegt Tiramisu

fyrir 4

2 bollar espressokaffi

2 msk sykur

1 tsk kanill

16 kexfingur

Vanilluís

Merchant gourmet karamellusósa

Súkkulaðispænir

Blandið saman kaffinu, sykrinum og kanilnum og látið kólna í 3-4 mínútur. Raðið kexfingrunum á disk og hellið ½ bolla af kaffiblöndunni yfir. Setjið 1-2 ískúlur á kexið, sprautið karamellusósu yfir og stráið súkkulaðispæninum yfir.