Vallarmet á Urriðavelli

Einar Haukur Óskarsson, Golfklúbbi Bakkakots, setti vallarmet á Urriðavelli á þriðja stigamóti Íslensku mótaraðarinnar í dag. Hann fékk einn skolla og sex fugla og lék á 65 höggum. Hlynur Geir Hjartarson úr GK átti vallarmetið sem var 67 högg.

Einar er því efstur í mótinu en Björgvin Sigurbergsson úr GK lék á 68 höggum og er í öðru sætinu. Nokkrir kylfingar eiga eftir að ljúka leik en líklega verða þessir tveir þó efstir eftir daginn.

Signý Arnórsdóttir lék á einum undir pari í kvennaflokki en þar eiga fleiri eftir að koma inn hjá körlunum og staðan gæti því breyst í kvöld.

Smelltu hér til að sjá stöðuna í mótinu hjá báðum kynjum.