Lyon staðfestir að Benzema fer til Real

Kaupæði Real Madrid virðist engan enda ætla að taka. Allt er falt fyrir peninga og það sannast enn og aftur í dag.

Lyon staðfesti seinni partinn að félagið hefði náð samkomulagi við Real Madrid um að selja framherjann Karim Benzema til félagsins.

Lyon fær að minnsta kosti 30 milljónir punda fyrir leikmanninn.

Ekki er langt síðan að Lyon sagði ekki koma til greina að selja leikmanninn. Sjálfur sagðist hann vilja spila í Frakklandi. Hann vildi spila mikið svo hann yrði í toppformi á HM næsta sumar.

Nokkrum dögum síðar er Real Madrid búið að klófesta leikmanninn.