Alfesca féll um tæp tíu prósent

Gengi hlutabréfa í Alfesca féll um 9,72 prósent í Kauphöllinni á fremur rauðum degi. Á eftir fylgdi gengi bréfa í Straumi, sem fór niður um 8,98 prósent, og Færeyjabanki, sem féll um 3,7 prósent.

Á móti hækkaði gengi bréfa í færeyska olíuleitarfélaginu Atlantic Petroleum um 4,65 prósent, Össurar um 1,5 prósent og Marel Food Systems um 0,71 prósent.

Gamla Úrvalsvísitalan (OMXI15) féll um 2,27 prósent og endaði í 296 stigum en sú nýja (OMXI6) féll um 3,66 prósent og endaði í 892 stigum.