Fjárfestar í Debenhams styðja hlutafjáraukningu

Fjárfestar í Debenhams eru reiðubúnir til að styðja hlutafjáraukningu í verslunarkeðjunni verði hún tilkynnt samhliða ársuppgjöri keðjunnar í þessari viku.

Sem kunnugt er keypti Debenhams verslunarkeðjuna Principles fyrr í mánuðinum en Nick Bubb greinandi hjá Pali International segir í samtali við blaðið Independent að ef sölutölur fyrir síðustu mánuði sína aðeins 2% samdrátt og þar með aukningu á markaðshlutdeild mun hlutafjáraukning fá stuðning meirihluta fjárfesta.

En veik staða þeirra hluthafa sem fyrir eru í Debenhams, þar á meðal Baugs, getur valdið vandamálum. Baugur t.d. hefur ekki styrkt til að nýta sér sinn rétt í hlutafjáraukningunni og hið sama á við að hluta til um hlutahafa á borð við Texas og CVC.

Hinsvegar hefur Independant eftir heimildum innan stærsta hluthafans, TPG, að þeir muni styðja hlutafjáraukningu enda hafi Debenham staðið sig tiltölulega vel í kreppunni miðað við aðrar verslunarkeðjur .

Annar fjárfestir segir í samtali við blaðið að það væru margar hlutafjáraukningar í pípunum hjá öðrum félögum og því ætti Debenhams að fara í slíkt fyrr en síðar.