J.C. Flowers vill kaupa Kaupþing í Lúxemborg

Bandaríski fjárfestirinn J.C. Flowers mun hafa áhuga á því að kaupa Kaupþing í Lúxemborg. Reuters greinir frá þessu í dag.

J. Christopher Flowers er bandarískur margmilljarðamæringur og rekur hann samnefnt fjárfestingarfélag. Flowers var áður einn af eigendum Goldman Sachs.

Reuters vitnar í umfjöllun í dagblaðinu Letzebuerger Land sem greinir frá áhuga Bandaríkjamannsins.

Sem kunnugt er af fréttum hér á visir.is í í gærdag veitt dómstóll í Lúxemborg Kaupþingi framlengingu á greiðslustöðvun bankans um tvo mánuði en hún átti að renna út þann 8. apríl.

Í síðasta mánuði höfnuðu kröfuhafar Kaupþings í Lúxemborg tilboði í bankann frá fjárfestingarsjóði í eigu stjórnvalda í Lýbíu.