Gengi bréfa Century Aluminum féll um tæp 30 prósent

Gengi hlutabréfa í Century Aluminum, móðurfélagi Norðuráls, féll um tæp þrjátíu prósent í Kauphöllinni í dag. Þetta er langmesta fallið á markaðnum í dag. Þá féll gengi bréfa í Alfesca um 8,57 prósent og Bakkavör um 0,54 prósent.

Á móti hækkaði gengi bréfa í Marel Food Systems um 1,7 prósent, Straumi um 1,18 prósent og í Össuri um 0,35 prósent.

Gamla Úrvalsvísitalan lækkaði um 0,18 prósent og endaði í 264 stigum. Nýja vísitalan lækkaði um 0,85 prósent og endaði í 807 stigum.