Hægt að samþykja frumvarp um persónukjör

Lögfræðingar telja að ekki þurfi aukin meirihluta þingmanna til að breyta ákvæðum kosningalaga er lúta að persónukjöri. Áður hefur komið fram í áliti lögfræðings Alþingis um að atkvæði 2/3 hluta þingmanna þurfi til að breyta lögunum. Tekist hefur verið á um málið undanfarna daga, meðal annars í sölum Alþingis.

Í tilkynningu frá Borgarahreyfingunni segir að lögfræðingarnir Ragnar Aðalsteinsson og Eiríkur Tómasson taki undir ónafngreind lögfræðiálit sem hreyfingin hafði áður aflað sér.

Borgarahreyfingintelur ákaflega mikilvægt að vekja athygli á því sem hreyfingin kallar mikilsvert mál um lýðræðisfyrirkomulag Íslands og aukin völd til kjósenda. Borgarahreyfingin vill að fyrirliggjandi frumvarp um persónukjör verði samþykkt fyrir kosningarnar 25. apríl með einföldum meirihluta.