Ensk félög reyndu að fá Beckham - AC Milan samt fyrsti kostur

Stórstjarnan David Beckham snýr brátt aftur til AC Milan þar sem hann mun leika á lánssamningi frá LA Galaxy eftir áramót en hann viðurkenndi í viðtali við Sky sports fréttastofuna að nokkur ensk félög hafi reynt að fá sig.

Tottenham var sterklega orðað við leikmanninn og Beckham neitar því ekki að félagið hafi sett sig í samband við sig.

„Það er rétt að Tottenham reyndi að fá mig og það voru nokkur ensk félög í viðbót. Ég sagði hins vegar alltaf að þegar ég kláraði lánssamninginn minn hjá AC Milan á síðasta tímabili að það yrði minn fyrsti kostur að fara aftur þangað ef félagið vildi fá mig aftur. Það varð raunin og ég er gríðarlega stoltur yfir því að hafa átt kost á því að fara þangað aftur," segir Beckham.