Stórsigur hjá Barcelona

Barcelona náði aftur sex stiga forskoti í spænsku deildinni í kvöld er liðið kjöldró lið Sevilla á Nou Camp. Lokatölur 4-0.

Andres Iniesta kom Barca yfir á 3. mínútu. Samuel Eto´o bætti marki við á 17. mínútu.

Barca byrjaði vel í síðari hálfleik og Xavi skoraði á 49. mínútu og Thierry Henry skoraði lokamarkið á 54. mínútu.

Barcelona lék frábærlega í kvöld og lítur virkilega vel út þessa dagana sem eru ekki sérstök tíðindi fyrir Chelsea.

Eiður Smári Guðjohnsen var ekki í leikmannahópi Barcelona í kvöld.

Úrslit kvöldsins í spænska boltanum:

Barcelona-Sevilla  4-0

Real Betis-Valencia  1-2

Ricardo Oliveira - David Villa 2.

Osasuna-Malaga  2-3

Jaroslav Plasil, Javad Nekounam - Apono, Lolo, Salvador Vialcho.