Mosaic Fashions tapaði 8,6 milljörðum kr. í fyrra

Tap Mosaic Fashions í Bretlandi eftir skatta nam 53,6 milljónum punda eða sem nemur tæplega 8,6 milljörðum kr. í fyrra. Til samanburðar má geta að tapið árið 207 nam 6,6 milljónum punda eða um 1,1 milljörðum kr..

Mosaic Fashions er að stórum hluta í eigu Baugs hefur átt í miklum rekstrarerfiðleikum undanfarið ár eins og fram hefur komið í fréttum. Fjallað er m.a. um þetta í ársskýrslu frá félaginu.

Fram kemur að Kaupþing sé að íhuga að veita Mosaic frekari lán til að halda rekstrinum gangandi og að samningar um slíkt standi nú yfir. Reiknað er með að niðurstaða í málinu muni liggja fyrir í lok næsta mánaðar.

Jafnframt er reiknað með að hagræðingu og endurskipulagningu innan félagsins verði lokið fyrir mánaðarmótin maí-júní.