Valdi fjölskylduna fram yfir Hollywood

Leikarinn Chris O'Donnell segist hafa snúið baki við glæstum ferli sínum í Hollywood til að geta gengið í hjónaband og eignast börn. O'Donnell var sem kunnugt er upprennandi stjarna um miðjan tíunda áratug síðustu aldar eftir að hafa leikið í Batman Forever. Hann segist hafa hafnað stórum hlutverkum í kjölfarið af því hann vildi ekki verða of frægur.

Nú eru 13 ár síðan Chris gekk að eiga konu sína og þau eiga fimm börn saman. Það elsta er tíu ára og yngsta er tveggja ára. „Ég ákvað að stíga á bremsuna og sé ekki eftir því," segir O'Donnell.