Tiger fær ekki fleiri fríar rakvélar

Tiger Woods hefur átt skelfilegt ár innan sem utan vallar og veislunni er ekki lokið. Nu hefur Gillette tilkynnt að það ætli sér ekki að framlengja samning sinn við Tiger sem rennur út um áramót.

Enn missir Tiger því spón úr aski sínum en Gatorade, AT&T og Accenture sögðu öll upp samningi við hann er hann var gripinn með allt á hælunum.

Það er því breyttir tímar hjá Tiger sem á sínum tíma varð fyrsti íþróttamaður sögunnar sem náði því að þéna 1 milljarð dollara í auglýsingatekjur.