Færir engar þakkir

Samkvæmt sumum slúðurritum hið vestra hefur Angelina Jolie ákveðið að þakkargjörðarhátíðin verði ekki haldin hátíðleg á heimili Jolie-Pitt fjölskyldunnar.

„Henni finnst út í hött að halda upp á dag sem fagnar sigri hvítra landnema yfir indíánum. Hún vill ekki að fjölþjóðleg fjölskylda hennar haldi upp á slíkt,“ var haft eftir fjölskylduvini, sem bætir við að Jolie blöskri svo sagan á bak við hátíðina að hún hafi passað sérstaklega upp á það að fjölskyldan væri ekki í Bandaríkjunum í kringum hana.

„Angelina lítur á þetta sem enn eitt skiptið sem Bandaríkin reyna að endurskrifa mannkynssöguna,“ sagði fjölskylduvinurinn.