Mascherano skrifaði undir hjá Barcelona

Javier Mascherano skrifaði nú síðla dags undir samning við Barcelona eftir ítarlega læknisskoðun. Hann kostar félagið 17,25 milljónir punda.

Það er um það bil sama upphæð og Liverpool borgaði West Ham fyrir miðjumanninn.

Mascherano sagði að um draum væri að ræða fyrir sig.

"Í sannleika sagt er þetta algjör draumur og mikil gleði. Þetta er frábær klúbbur þar sem margir magnaðir leikmenn spila og ég mun reyna að aðlagast eins fljótt og ég get," sagði Mascherano.

Hann kemur á miðjuna í stað Yaya Toure sem gekk í raðir Manchester City í sumar. Liverpool keypti Raul Meireles frá Porto í staðinn.