Engin staðfesting á beinum áhrifum eiganda

Í öllum fjölmiðlum voru jákvæðar fréttir um fjármálafyrirtæki fleiri en neikvæðar. Af einstökum fyrirtækjum var umfjöllun almennt jákvæðust um Landsbankann.

Á móti hverri einni neikvæðri frétt eða grein um

Landsbankann birtust 12 til 13 jákvæðar. Hjá hinum fjármálafyrirtækjunum var þetta hlutfall 1 á móti 4 til 7.

Flestar fréttir töldust þó hlutlausar eða tæp 80 prósent að mati Creditinfo en skýrslan byggir á upplýsingum frá þeim.

Engin staðfesting fékkst á beinum áhrifum eigenda á umfjöllun fjölmiðla. Og fjölmiðalar fjölluðu ekki meira eða með jákvæðari hætti um fjármálafyrirtæki eigenda sinna en annarra. Viðskiptablaðið var með hæst hlutfall jákvæðra frétta, DV lægst.