Fyrsta tap Vals - steinlá í Árbænum

Valur tapaði sínum fyrsta leik í Pepsi-deild kvenna í kvöld er það steinlá fyrir Fylki í Árbænum, 3-0.

Valur er enn á toppnum í deildinni en nú með þriggja stiga forystu á Breiðablik sem vann 2-1 sigur á Stjörnunni á útivelli í kvöld.

Þór/KA er svo í þriðja sætinu, fjórum stigum á eftir Val eftir 5-1 stórsigur á botnliði Hauka.

FH vann dýrmætan sigur í botnbaráttunni er liðið lagði Aftureldingu á heimavelli, 3-1. FH er nú með sex stig í næstneðsta sæti en Haukar eru með þrjú.

Þá vann KR 2-0 sigur á Grindavík á heimavelli.

Fylkir er í fjórða sæti deildarinnar með 22 stig, KR með 21 og Stjarnan með 20. Afturelding er í sjöunda sætinu með þrettán stig og Grindavík í áttunda með ellefu.

Úrslit og markaskorarar:

FH - Afturelding 3-1

1-0 Aldís Kara Lúðvíksdóttir (30.)

2-0 Sigrún Ella Einarsdóttir (38.)

3-0 Sigríður Guðmundsdóttir, víti (75.)

3-1 Telma Þrastardóttir (86.)

Fylkir - Valur 3-0

1-0 Anna Björg Björnsdóttir (14.)

2-0 Fjóla Dröfn Friðriksdóttir (65.)

3-0 Anna Sigurðardóttir (51.)

Stjarnan - Breiðablik 1-2

0-1 Berglind Björg Þorvaldsdóttir

1-1 Lindsey Schwartz

1-2 Jóna Kristín Hauksdóttir

KR - Grindavík 2-0

1-0 Katrín Ásbjörnsdóttir (44.)

2-0 sjálfsmark (85.)

Þór/KA - Haukar 5-1

1-0 Rakel Hönnudóttir (8.)

2-0 Arna Sif Ásgrímsdóttir (12.)

3-0 Vesna Smiljkovic (19.)

4-0 Rakel Hönnudóttir (24.)

4-1 Rebekka Ann Wise (28.)

5-1 Vesna Smiljkovic (41.)