Guardiola er ekki eins fullkominn og allir halda

Umboðsmaður Zlatan Ibrahimovic, Mino Raiola, hefur stigið fram og gagnrýnt Pep Guardiola, þjálfara Barcelona, harkalega.

Raiola segir að Guardiola sé ekki eins fullkominn og allir virðast halda að hann sé.

Raiola hefur haft nóg að gera í sumar þar sem óvissan í kringum skjólstæðing hans hefur verið mikil og ekki er enn loku fyrir það skotið að Zlatan færi sig um set.

"Guardiola er ekki eins fullkominn og allir halda. Hann er í vandræðum með sjálfan sig. Ég segi það sem ég vil um það fólk sem fer illa með mína leikmenn," sagði Raiola.

"Það þýðir ekki að kaupa Rolls Royce og komast síðan að því að þú getir ekki greitt fyrir bílinn. Þegar maður verslar verður maður að vera viss um að hafa efni á bílnum."