Real Madrid og Barcelona hafa áhuga á Rooney

Þó svo yfirmenn Real Madrid segist ekki hafa áhuga á því að kaupa Wayne Rooney frá Man. Utd segist þjálfarinn, José Mourinho, hafa mikinn áhuga á leikmanninum. Hann spáir því þó að Rooney verði áfram hjá félaginu.

"Ég hef það á tilfinningunni að hann verði áfram hjá United. Ef United ákveður aftur á móti að sleppa honum þá má félagið hringja í mig," sagði Mourinho.

"Mér líkar vel við Sir Alex, mér líkar vel við Man. Utd og ég tel að það sé best fyrir Rooney að vera hjá United út sinn feril. Ég er alveg viss um að það finnst lausn á þessu og hann verður áfram hjá félaginu."

Barcelona hefur einnig viðurkennt að hafa áhuga á Rooney en myndi líklega ekki eiga mikið í félög eins og Man. City þegar tilboð hæfust.