Kjörsókn minni en í síðustu sveitarstjórnarkosningum

Kjörsókn klukkan ellefu í morgun í Reykjavík var 5,71 prósent en þá höfðu um 4900 manns kosið. Þetta er prósentustigi minna en árið 2006 en þá höfðu um 5800 kosið á sama tíma eða 6,78 prósent.

Þá var enn betri kosningaþátttaka í sveitarstjórnarkosningum árið 2002. Því er ljóst að kosningaþátttaka er minni nú en í síðustu tveimur sveitartstjórnarkosningum.

Þá má búast við því að atkvæði í Kópavogi verði fulltalin um miðnætti í kvöld samkvæmt upplýsingum frá kjörstjórn. Um 80 prósent atkvæða verða talin þegar fyrstu tölur verða kynntar upp úr klukkan tíu í kvöld þar í Kópavogi.