Valdimar: Valur mjög spennandi kostur

Besti leikmaður N1-deildar karla á síðustu leiktíð, Valdimar Fannar Þórsson, skrifaði undir samning við Val í dag. Hann kemur til félagsins frá HK.

"Ég ætlaði mér að komast út en þar var ekkert spennandi í boði. Mér stóð síðan til boða að fara í Val og það leist mér mjög vel á. Toppklúbbur sem er alltaf í titilbaráttu. Valur var því mjög spennandi kostur," segir Valdimar.

Hann fékk ekki samning hjá danska liðinu Tvis Holstebro og önnur erlend tilboð voru ekki spennandi.

Nánar er rætt við Valdimar í Fréttablaðinu á morgun.