Forseti Sampdoria er með Cassano-vírusinn

Ricardo Garrone, forseti Sampdoria, hefur engan áhuga á því að sættast við framherjann Antonio Cassano en Sampdoria sækir nú mál fyrir dómstólum svo það geti sagt upp samningnum við leikmanninn.

Cassano hefur reynt að bera klæði á vopnin. Hann hefur beðið Garrone afsökunar og boðist til að lækka launin meðal annars. Það hefur engu skilað.

Garrone segist vera með Cassano-vírus og hann vill losna við han.

"Ég fékk Cassano-vírus en er á réttri leið og líður betur. Ég er að leita mér að lyfjum við þessum slæma vírus," sagði Garrone sem vill ekki tala við Cassano.