Samkvæmt frétt á business.dk var Google Buzz hleypt af stokkunum í gærdag en með því hafa einstaklingar tækifæri til þess að sýna vinum og vandamönnum stöðu sína (við, frá, upptekinn, á fundum o.sv.fr.) auk þess að sýna myndir og myndbandaupptökur. Buzz er innbyggt í Gmail póstforritið. Í dag mun um 1% Gmail-notenda fá Buzz og afgangurinn fyrir vikulok.
Google Buzz verður þar að auki aðgengilegt í farsímum. Samkvæmt business.dk er Google Buzz stefnt gegn bæði Facebook og Twitter en stjórnendur Google vonast til þess að einstaklingar nýti sér frekar Buzz en hina tvo netmöguleikana.
