Kvennalið Blika missir fimm lykilmenn

Breiðablik er að missa fimm leikmenn sem hafa verið lykilmenn í liðinu í sumar. Þetta eru Greta Mjöll Samúelsdóttir, Hekla Pálmadóttir, Sandra Sif Magnúsdóttir Maura Q Ryan og markmaðurinn Katherine Loomis.

Sú síðastnefnda er líklega á leiðinni til Ítalíu en Greta fer út til Bandaríkjanna í nám á næstunni.

"Þetta eru stelpur sem eru að fara í önnur verkefni en við eigum mikið af ungum leikmönnum sem hafa verið að bíða eftir tækifæri til að stíga upp," segir þjálfarinn Jóhannes Karl Sigursteinsson.

"Við treystum á að þeir leikmenn sem við höfum stígi upp," sagði þjálfarinn.