Ellefu af 30 sterkustu kylfingum landsins vantar á fyrsta stigamótið

Fyrsta stigamót ársins í golfinu fer fram í Vestmannaeyjum um næstu helgi. Mikil spenna er á meðal golfáhugamanna fyrir mótinu enda tímabilið loksins að byrja aftur.

Alls eru 91 kylfingar skráðir til leiks af þeim 144 sem hefðu getað spilað. Sextán konur keppa en 75 karlar. Golfvöllurinn í Vestmannaeyjum skartar sínu fegursta og gerði aska úr Eyjafjallajökli honum gott.

Þá verður að öllum líkindum flogið til Eyja um helgina þar sem eldgosið virðist halda sig til hlés þessa dagana.

Nokkrir bestu kylfingar landsins verða ekki með á mótinu. Kylfingur.is tók saman lista yfir þá leikmenn sem spila ekki af 30 listanum yfir stigahæstu kylfingana frá síðasta ári.

Alls vantar ellefu karla af topp 30 en fimm konur af efstu fimmtán.

Kylfingar í karlaflokki sem vantar á topp 30:

Björgvin Sigurbergsson

Sigurpáll Geir Sveinsson

Ólafur Hreinn Jóhannesson

Helgi Birkir Þórisson

Örn Ævar Hjartarson

Stefán Már Stefánsson

Heiðar Davíð Bragason

Guðmundur Rúnar Hallgrímsson

Starkaður Sigurðarson

Ottó Sigurðsson

Davíð Gunnlaugsson

Kylfingar í kvennaflokki sem vantar á topp 15:

Signý Arnórsdóttir

Ásta Birna Magnúsdóttir

Heiða Guðnadóttir

Nína Björk Geirsdóttir

Tinna Jóhannsdóttir