Kínverjar vilja að sænska símafyrirtækið Ericsson byggi upp farsímakerfið þar í landi. Samningurinn sem Ericsson er boðið hljóðar upp á 240 milljarða íslenskra króna.
Í raun er þó um að ræða tvo samninga. Annar þeirra er við China Mobile, sem er stærsta farsímafyrirtæki í heimi og nemur sá samningur um milljarði bandaríkjadala. Hinn samningurinn er við China Unicom og nemur hann um 800 milljónum bandaríkjadala.
Viðskiptavinir fyrirtækjanna gætu numið um 1,3 milljörðum einstaklinga, eftir því sem fram kemur á danska vefnum epn.dk.
