Umfjöllun: KR-ingar fyrstir í undanúrslitin

Íslandsmeistarar KR urðu í kvöld fyrsta liðið til þess að tryggja sér sæti í undanúrslitum Íslandsmótsins með öruggum sigri á ÍR, 81-103, í Seljaskóla. KR vann einvígi liðanna, 2-0.

ÍR-ingar byrjuðu leikinn vel og skoruðu sjö fyrstu stigin. Gestirnir ákváðu þá að hefja leik og voru þeir yfir eftir fjörugan og jafnan fyrsta leikhluta, 23-25. Í þeim leikhluta bar hæst glæsitroðsla frá Morgan Lewis, leikmanni KR.

Finnur Magnússon skilaði mikilvægu hlutverki í fyrri hálfleiknum og Vesturbæingar með ellefu stiga forystu í hálfleik, staðan 42-53.

ÍR-ingar náðu góðum kafla í þriðja leikhlutanum og skyndilega var komin mikil spenna í leikinn, þeir náðu að minnka muninn í tvö stig. KR-ingar tóku þá leikhlé og það skilaði sér í því að þeir skoruðu tíu síðustu stig þriðja leikhlutans.

Í lokaleikhlutanum var spurningin aðeins hversu stór sigur KR yrði. Lokastaðan 81-103.

Pavel Ermolinskij var með 20 stig hjá KR auk þess sem hann tók 16 fráköst og átti 6 stoðsendingar. Hjá ÍR var Robert Jarvis algjör yfirburðarmaður. Aðrir leikmenn skiluðu litlu og það dugði skammt. ÍR-ingar eru komnir í sumarfrí.

ÍR-KR 81-103 (42-53)

Stig ÍR: Robert Jarvis 36, Nemanja Sovic 20, Hreggviður Magnússon 13, Steinar Arason 4, Kristinn Jónasson 4, Eiríkur Önundarson 2.

Stig KR: Pavel Ermolinskij 20 (16 frák, 6 stoðs.), Morgan Lewis 18, Fannar Ólafsson 18, Finnur Atli Magnússon 16, Darri Hilmarsson 13, Jón Orri Kristjánsson 6, Brynjar Þór Björnsson 5, Tommy Johnson 3, Steinar Kaldal 2, Ólafur Ægisson 2.