Claudio Ranieri sagður vera að reyna að herma eftir Mourinho

Luciano Moggi, hinn umdeildi fyrrum framkvæmdastjóri Juventus, kennir þjálfara Roma, Claudio Ranieri, um slæma byrjun Roma-liðsins á þessu tímabili.

Roma hefur aðeins unnið einn af fyrstu sex leikjum sínum og er sem stendur í næstneðsta sæti ítölsku a-deildarinnar.

„Vandamálið hjá Roma er Claudio Ranieri. Hann er að reyna herma eftir Mourinho en sjáið bara hvernig það gengur," sagði Luciano Moggi í sjónvarpsviðtali hjá Canale 21 í Napolí.

Jose Mourinho gerði Inter Milan að ítölskum meisturum síðustu tvö tímabil en Moggi telur að Inter nái ekki að vinna í vetur.

„Ég spái því að AC Milan vinni deildina í vetur. Þeir eru betri en Inter," sagði Moggi.