Real Madrid búið að staðfesta að það sé búið að reka Pellegrini

Real Madrid er búið að staðfesta það að Manuel Pellegrini hafi verið rekinn sem þjálfari liðsins en Florentino Perez, forseti félagsins, tilkynnti þetta á blaðamannafundi í dag.

Florentino Perez sagði að ákvörðunin hafi verið tekin á stjórnarfundi í dag en það hefur verið lengi ljóst að Jose Mourinho, fyrrum þjálfari Evrópumeistara Inter Milan, sé að fara að taka við súper-stjörnunum á Bernabeu.

Real Madrid tókst ekki að vinna titil undir stjórn Manuel Pellegrini á þessu tímabili þrátt fyrir að eyða rosalegum upphæðum í leikmannakaup síðasta sumar. Real varð í öðru sæti í deildinni og datt snemma út úr öðrum keppnum þar á meðal út úr Meistaradeildinni í 16 liða úrslitum.