Leikmenn Roma settir í fjölmiðlabann

Ítalska félagið AS Roma hefur ekki farið vel af stað í vetur undir stjórn Claudio Ranieri þrátt fyrir miklar væntingar um gott gengi.

Francesco Totti, fyrirliði liðsins, var æfareiður eftir tapið gegn FC Bayern í Meistaradeildinni og gagnrýndi leikstíl liðsins sem var mjög varnarsinnaður.

Mikill kurr er hjá forráðamönnum félagsins eftir þessa uppákoma og leikmenn félagsins hafa nú verið settir í tímabundið fjölmiðlabann en forráðamennirnir óttast að allt verði vitlaust fari leikmenn að tjá sig of mikið.

Aðeins Ranieri og stjórnarmenn Roma munu því tala við fjölmiðla næstu daga.