Guðjón með tíu mörk og Selfoss vann loksins Ragnarsmótið

Hinn skeleggi hornamaður, Guðjón Drengsson, skoraði tíu mörk fyrir Selfoss í úrslitaleik Ragnarsmótsins í handbolta í gær.

Liðið vann Hauka í úrslitaleik 32-30. Þetta er í fyrsta sinn sem liðið vinnur mótið sem haldið er á Selfossi.

Aðeins þrjár vikur eru þar til N1-deild karla í handbolta hefjist og er mótið liður í undirbúningi sex liða í því.

FH vann Val í leik um fimmta sætið og HK vann Fram í leiknum um þriðja sætið.

Verðlaun fyrir árangur á mótinu:

Markvörður mótsins: Birkir Fannar Bragason (Selfoss)

Varnamaður mótsins: Freyr Brynjarson (Haukum)

Sóknamaður mótsins: Bjarki Már Elísson (HK)

Markahæsti leikmaður: Bjarki Már Elísson með 26 mörk (HK)

Besti leikmaður mótsins: Ólafur Bjarki Ragnarsson (HK)