Frjáls framlög í ríkissjóð leyfð

Þeir Danir sem telja sig ekki greiða nógu háa skatta hafa nú fengið lausn mála sinna. Danska ríkið hefur opnað bankareikning sem allir geta greitt inn á frjáls framlög í ríkissjóð, telji þeir sig aflögufæra.

Troels Lund Poulsen, ráðherra skattamála, segist reyndar ekki reikna með því að viðbótarframlög skattgreiðenda muni duga til að leysa fjárhagsvanda ríkisins, en í gær höfðu tíu manns nýtt sér þennan möguleika og greitt samtals 500 danskar krónur til ríkisins.- gb