Bjarki: Mjög sárt

„Mér fannst við geta klárað þetta þarna í restina en hann fær frítt skot á punktalínunni og þetta dettur því með þeim og þeir klára þennan leik," sagði Bjarki Már Elísson, leikmaður HK eftir 29-28 tap gegn Haukum á Ásvöllum í kvöld.

„Við komumst einu marki yfir þegar tíu mínútur eru eftir og með ágætis meðbyr með okkur en þetta gekk ekki. Við lendum undir í fyrri hálfleik og vörnin er ekki að virka, svo komum við aftur og það tekur mikla orku og mikinn karakter. Þetta er bara járn í járn í restina og þetta dettur þeirra megin."

„Við höfum innbyrgðisviðureignirnar á Haukana og þetta er bara eitt stig núna, maður sér að öll lið eru að taka stig af öllum þannig þetta er hvergi nærri búið," sagði Bjarki.