Borgarbúar styðja Icesave meir en landsbyggðin

Fylgi við að samþykkja Icesavesamninginn er töluvert meira á höfuðborgarsvæðinu en á landsbyggðinni og fleiri karlmenn vilja samþykkja hann en konur, samkvæmt skoðanakönnum MMR fyrir Viðskiptablaðið.

Þá er framhaldsmenntað fólk hlynntara samningnum en þeir minna menntuðu og fylgi við samninginn eykst með hækkandi aldri.

Af þeim sem tóku afstöðu sögðust liðlega 52 prósent styðja samninginn en tæp 48 prósent sögðust ætla að hafna honum í þjóðaratkvæðagreiðslunni, þannig að mjótt er á mununum.

Ekki kemur fram í Viðskiptablaðinu hversu margir voru óákveðnir.